WOLAK WALIK E JAMAN

WOLAK-WALIKING JAMAN 🎃🎃
KANGGO PANGELING-ELING DHEWEK, UMUR WIS TUWA

- Wolak waliking jaman
- Sing penting danggep ora penting
- Sing ora penting di penting-pentingna
- Sing apik dielek-elek
- Sing elek dianggep apik
- Sing bener disalahke
- Sing salah dibener-benerke
- Sing jane tontonan di anggep tuntunan
- Sing mesthine tuntunan malah dadi tontonan

- Ora ana manungsa sing sempurna
- Ora ana manungsa sing ora nduwe dosa
- Mula padha enggal² tobata
- Mumpung durung ditimbali Sing Kuwasa

- Jamane jaman edan
- Akeh menungsa padha lali karo Pengeran
- Ngaku agamane Islam nanging ora gelem shalat
- Hobine maksiat sak ndalan-dalan
- Nyambut gawe padha sungkan
- Banda negarane malah digawe rayahan

- Jamane jaman maju
- Akeh wong wadon padha kemayu
- Yen bengi padha metu ngguya-ngguyu
- Mung trima mamerke pupu
- Turut ngisor wit waru
- Jebule mung payu sewu

- Jamane jaman globalisasi
- Akeh wong wis lali karo Dzat Kang Maha Suci, dhuwit korupsi dianggep rejeki
- Akeh santri sing padha gak gelem ngaji
- Uga akeh kyai sing lali karo santri
- Malah melu² rebutan kursi

- Manungsa kuwi dititah padha
- Nanging yen masalah bandha dijatah beda
- Mula manungsa iku wajibe mung usaha karo ndonga
- Entuk rejeki sepira atine sing nrima
- Gak usah meri karo kanca sak padha²

- Akeh wong stres merga uripe gak beres
- Rina wengi mung mburu ndonya
- Njur lali karo agama

- Aja padha ngresula ndak gelis tuwa
- Wong yen nrima uripe dawa
- Wong sing sabar rejekine jembar
- Wong yen ngalah uripe bakal barokah
- Sapa sing jujur uripe makmur
- Wong sulaya uripe rekasa
- Wong sing sombong amale kobong
- Sapa sing tlaten tembe mburi bakal panen

- Akeh wong ngaku Islam agamane
- Tapi tumindake sak karepe dhewe

- Jamane wis jaman tuwa
- Akeh manungsa wis angel ditata karo tuntunane agama
- Senengane malah padha gawe dosa
- Tumindak dosa saben dina padha ora krasa

- Sithik² ra ketara
- Suwe² dadi cetha
- Kaya wong tumindak dosa dilakoni saben dina
- Dosa lantaran omongan
- Lantaran kuping lan tangan
- Kadang² ora krasa merga pancen wis kulina

- Sing ati² lan waspada
- Menawa sira ngobrol karo kanca
- Ngrasani tangga
- Ngojah alane liya
- Kadang ra rumangsa awake gawe dosa

- Ayo mumpung durung telat
- Enggal² padha tobat
- Timbang ning akhirat sira mbesuk nampa adzab
- Mung dosa sepele kang ora dirasa
- Nanging gedhe akibate marang awake dhewe

- Mumpung isih urip
- Ngibadaha kanti tertib
- Ngelingana yen wis mati
- Ora bakal isa bali

- Mumpung isih waras
- Ibadaha kanti ikhlas
- Ngelingana yen wis lara
- Ora bisa apa²

- Mumpung isih longgar
- Ibadaha kanthi sabar
- Ngelingana yen wis repot
- Ibadah rasane abot

MUGI WONTEN MANFAATIPUN...
(Shared by Cakpen)